Salyanda yaşayış evində baş vermiş yanğında 2 azyaşlı ölüb - YENİLƏNİB-2

Salyan. 3 dekabr. REPORT.AZ/ Salyanın Boranıkənd kəndində baş vermiş yanğın zamanı 2 azyaşlı ölüb.

"Report"un Aran bürosu xəbər verir ki, yanan evdə qalmış ikinci azyaşlının da cəsədi içəridən çıxarılıb. 

Qeyd edək ki, hadisə zamanı ölənlər Bəhrəmli Fatimə Novruz qızı və Bəhrəmli Ceyranxanım Novruz qızıdır. Azyaşlıların 5-6 yaşlarında olduqları bildirilir.

Hadisə Novruz Mübariz oğlu Bəhrəmliyə məxsus evdə baş verib.

---

***09:45

Salyanın Boranıkənd kəndində baş vermiş yanğın zamanı 1 azyaşlı ölüb.

"Report"un Aran bürosu xəbər verir ki, hadisə Novruz Mübariz oğlu Bəhrəmliyə məxsus evdə baş verib.

İlkin məlumata görə, içəridə qalmış uşaqlardan birinin cəsədi evdən çıxarılıb. Yanan evdə qalmış digər azyaşlının aqibəti barədə hələlik hər hansı məlumat yoxdur.

Qeyd edək ki, uşaqlar 5-6 yaşlarındadır.

---

***09:38

Salyanda yanğın hadisəsi baş verib.

"Report"un Aran bürosu xəbər verir ki, hadisə səhər saatlarında rayonun Boranıkənd kəndində qeydə alınıb.

İlkin məlumata görə, 2 azyaşlı uşaq yanan evdə qalıb. Hələlik azyaşlıların sağ qalıb-qalmamaları barədə məlumat yoxdur.