Salyanda iki maşının toqquşması nəticəsində yaralananların adları məlum olub - YENİLƏNİB

Bakı. 25 iyun. REPORT.AZ/ Ələt-Astara yolunda "Mercedes" və "Volkswagen" markalı minik maşınlarının toqquşması nəticəsində xəsarət alan 5 nəfərin adı məlum olub.

"Report"un Aran bürosu xəbər verir ki, bunlar "Mercedes"də olan 1983-cü il təvəllüdlü Salyan rayon sakini Şirin Ağamoğlan oğlu Səlimov, həmçinin "Volkswagen"də olan Cəlilabad rayon sakinləri - 1932-ci il təvəllüdlü Nazdar Dərgah qızı Əzizova, 1984-cü il təvəllüdlü Mehdiyeva İrşad Qasım qızı, onun övladları - 2016-cı il təvəllüdlü Mehdizadə Ayaz Cabir oğlu və 2013-cü il təvəllüdlü Mehdizadə Xatəm Cabir qızıdır.

***16:42

Bakı. 25 iyun. REPORT.AZ/ Ələt-Astara yolunun Salyan rayonunun Yenikənd kəndi ərazisindən keçən hissəsində ağır yol qəzası baş verib.

"Report"un Aran bürosu xəbər verir ki, "Mercedes" markalı avtomobil ilə hazırda markası məlum olmayan minik maşınının toqquşması nəticəsində 5 nəfər müxtəlif dərəcəli bədən xəsarətləri alıb.

Yaralılar Salyan Rayon Mərkəzi Xəstəxanasına çatdırılıb. Onlara ilkin tibbi yardım göstərilib. Yaralılardan birinin vəziyyəti ağırdır.

Faktla bağlı araşdırma aparılır.