Salyanda 46 yaşlı kişi qonşusu tərəfindən bıçaqlanıb

Salyan. 28 iyun. REPORT.AZ/ Salyanın Babazanan yaşayış massivində bıçaqlanma hadisəsi baş verib.

“Report”un Aran bürosu xəbər verir ki, 46 yaşlı yerli sakin Vüqar Rafət oğlu Səfərov kürək və dirsək nahiyələrinin kəsilmiş-deşilmiş yaraları ilə Salyan Mərkəzi Rayon Xəstəxanasına çatdırılıb.

Xəstəxanada yaralıya ilkin tibbi yardım göstərilib. Xəstənin yaxınları Vüqar Səfərovun Ceyhun adlı qonşusu tərəfindən bıçaqlandığını bildirib.

Faktla bağlı araşdırma aparılır.