Qazaxda "təcili yardım" maşını qəzaya uğrayıb

Qazax. 10 mart. REPORT.AZ/ Qazax şəhərində "təcili yardım" maşını qəzaya uğrayıb.

"Report"un Qərb bürosunun məlumatına görə, Heydər Əliyev prospekti ilə çağrışa gedən "Qazel" markalı "təcili yardım" maşını "VAZ-2107" ilə toqquşub.

Qəza nəticəsində iki nəfər – 1997-ci il təvəllüdlü Musayev Cabir Musa oğlu və "VAZ"ın 1996-cı il təvəllüdlü sərnişini Elgün Musayev xəsarət alıb.

Hər iki yaralı hadisə yerinə çağrılan başqa "təcili yardım" maşını ilə xəstəxanaya aparılıb. Onların vəziyyətinin qənaətbəxş olduğu bildirilir.

Faktla bağlı araşdırma aparılır.

Daha əvvəl Şəki şəhərində 10 nəfərin xəsarət alması ilə nəticələnən yol qəzası baş verib.