Qazaxda işıqforun qırmızı işığında hərəkət edən sürücü qəza törədib - FOTO

Qazax. 28 fevral. REPORT.AZ/ Qazax rayonunda yol-nəqliyyat hadisəsi baş verib.

"Report"un Qərb bürosunun məlumatına görə, hadisə şəhərin Heydər Əliyev prospektində qeydə alınıb. 

Belə ki, işıqforun qırmızı işığının tələblərinə məhəl qoymayan sürücü idarə etdiyi avtomobillə hərəkətə davam edib və bu zaman "VAZ" markalı avtomobilin qarşısına çıxıb. Nəticədə qəza baş verib. 

Hadisə zamanı xəsarət alan olmasa da, hər iki avtomobilə ziyan dəyib.

Faktla bağlı araşdırma aparılır.