Video əlavə olunub
***00:03
Qax. 9 mart. REPORT.AZ/ Qaxda mikroavtobus yük avtomobili ilə toqquşub.
"Report"un Şimal-qərb bürosunun məlumatına görə, hadisə axşam saatlarında Yevlax-Zaqatala-Gürcüstan magistral yolunun 84-cü kilometrliyində, yolun Qax rayonunun Qıpçaq kəndi ərazisindən keçən hissəsində baş verib.
Balakəndən Bakı istiqamətində hərəkətdə olan Balakən rayonu Talalar kənd sakini, 1977-ci il təvəllüdlü Səməd İslam oğlu Qurbanovun idarə etdiyi 99-EB-033 dovlət qeydiyyat nişanlı "Mercedes" markalı yük avtomobili ilə Yevlaxdan Balakən istiqamətində hərəkətdə olan 34-BD-566 dövlət qeydiyyat nişanlı "QAZel" markalı mikroavtobus toqquşub.
Nəticədə "QAZel" də olan 1 nəfər - Xaçmaz rayon sakini, 1985-ci il təvəllüdlü Məcid Elmar oğlu Məhərrəmov ölüb. Hadisə zamanı daha 1 nəfər - Balakən sakini, 1992-ci il təvəllüdlü Nail Kamil oğlu Xanullayev müxtəlif dərəcəli bədən xəsarətləri alıb. Yaralı Qax Rayon Mərkəzi Xəstəxanasına çatdırılıb.
Hazırda hüquq-mühafizə orqanları hadisə yerində araşdırma aparılır.
Daha əvvəl Qax rayonunda xəsarətlə nəticələnən yol qəzası baş verib.
![](https://static.report.az/photo/2abeb660-7793-43cb-be9f-e44dd400c560_300.jpg)
![](https://static.report.az/photo/61330ffa-5098-4c64-a6df-e8528a3fbfd4_300.jpg)
![](https://static.report.az/photo/73ddb2e4-ab00-4277-958a-91847a30f8d3_300.jpg)
![](https://static.report.az/photo/b5fa6dec-6d2e-4790-b3a9-87cf8878fab8_300.jpg)
![](https://static.report.az/photo/bc0d74cd-49ba-488f-8d9d-71e0bf00b7d8_300.jpg)
![](https://static.report.az/photo/d82b4c59-fea3-4543-a2a9-e71e2a824a35_300.jpg)
![](https://static.report.az/photo/dcd912f5-e617-4b56-85fd-e167ae5df364_300.jpg)
![](https://static.report.az/photo/f7bd5c2a-49e9-4cc6-9467-3b2697795ab9_300.jpg)