Qax. 14 dekabr. REPORT.AZ / Qax rayonunda mineral su istehsal edən sexdə yanğın baş verib.
"Report"un Şimal-Qərb bürosunun verdiyi məlumata görə, Cəlal Kamil oğlu Bayramova məxsus "Qax Su" mineral su istehsalı müəssisəsində səhər saatlarında yanğın qeydə alınıb.
Hadisə yerinə Qax Rayon Dövlət Yanğından Mühafizə Hissəsinin iki yanğınsöndürən maşını və şəxsi heyəti cəlb olunub.
Yanğın söndürülüb və genişlənərək su istehsalı müəssisəsinə keçməsinin qarşısı alınıb. Lakin müəssisənin ərazisində ofis kimi fəaliyyət göstərən ümumi sahəsi 90 kvadratmetrlik tikilinin tavan hissəsində taxta və lambir hissəsi yanıb.
Faktla bağlı araşdırma aparılır.