Qaradağ rayonunda qohumlar arasında dava olub, xəsarət alanlar var

Bakının Qaradağ rayonu Səngəçal qəsəbəsində döyülmə hadisəsi baş verib.

"Report"un məlumatına görə, 1967-ci il təvəllüdlü Bəylərov Qurban Ağadadaş oğlu öz evində qohumları tərəfindən döyülüb. 

Yaralı 1 saylı Kliniki Tibbi Mərkəzə yerləşdirilib. Ona qapalı kəllə-beyin travması və burun sümüyünün sınığı diaqnozu qoyulub. 

Hadisə zamanı həmçinin 50 yaşlı Aydəmirova Nəsibə Şəmi qızı da döyülüb. Ona isə döş qəfəsinin sol yarısının küt travması sınığı diaqnozu qoyulub.