Prokuror Bakıda tanışını döyərək pulunu alan şəxsə cəza istəyib

Bakı. 22 may. REPORT.AZ/ Bu gün Bakı Ağır Cinayətlər Məhkəməsində quldurluqda təqsirləndirilən Ağasəlim Xəlilovun cinayət işi üzrə məhkəmə prosesi davam etdirilib.

"Report"un xəbərinə görə, hakim Samir Əliyevin sədrliyi ilə keçirilən prosesdə dövlət ittihamçısı çıxış edib.

Prokuror çıxışında A.Xəlilovun 10 il müddətinə azadlıqdan məhrum edilməsini istəyib.

Məhkəmənin növbəti prosesi mayın 23-nə təyin edilib.

Qeyd edək ki, ittiham aktına əsasən, təqirləndirilən A.Xəlilov Sabunçu rayonu ərazisində Orxan Mirişovu döyərək, onun 300 manatdan çox pulunu ələ keçirməkdə ittiham olunur.