Bakıda mağazada oğurluğa cəhd olunub.
"Report"un xəbərinə görə, hadisə bu gün saat 15 radələrində paytaxtın Suraxanı rayonu, Dədə Qorqud qəsəbəsində yerləşən "OBA market"də qeydə alınıb.
Belə ki, 1990-cı il təvəllüdlü Nurlan İsmayılov marketdən oğurluğa cəhd edən zaman ərazidə olan Suraxanı Rayon Polis İdarəsinin Post Patrul Xidməti əməkdaşlarının çevikliyi nəticəsində "isti izlər"lə saxlanılıb və 30-cu Polis Bölməsinə təhvil verilib.
Faktla bağlı araşdırma aparılır.