Yuxarı

​Oxot dənizində ölənlərin ailələrinə 1 milyon rubl veriləcək

Dalni Vostok balıqçı gəmisinin heyət üzvləri siyahısında 7 azərbaycanlının da adı var

Bakı. 3 aprel. REPORT.AZ/ Saxalin rəhbərliyi vilayətin ehtiyat fondundan Oxot dənizində batan "Dalni Vostok" gəmisinin həlak olan heyət üzvlərinin ailələrinə 1 milyon rubl, faciə nəticəsində sağ qalan dənizçilərin ailələrinə isə 200 min rubl vəsait ödəyəcək.

"Report" xəbər verir ki, bu barədə RİA "Novosti"yə cümə günü region hökumətinin nümayəndəsi Aleksey Bayandin məlumat verib.

"Həlak olanların ailələrinə 1 milyon rubl, zərərçəkənlərin ailələrinə isə 200 min rubl ödəniləcək. Vəsait vilayətin ehtiyat fondundan ayrılacaq", — deyə o bildirib.

Xatırladaq ki, "Dalni Vostok" balıqçı gəmisinin heyət üzvləri siyahısında 7 azərbaycanlının da adı var. Onlardan 4 nəfəri xilas edilib.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi