Oğuzda üzərinə ağac düşən kişi ölüb

Oğuz rayonunda meşəlik ərazidə üzərinə ağac düşən kişi ölüb.

"Report"un Şimal-qərb bürosunun məlumatına görə, hadisə rayonun Xalxal kəndinin yaxınlığında, "Zumanlı" dərəsi adlanan ərazidə baş verib.

Belə ki, üzərinə ağac düşən kənd sakini, 1989-cu il təvəllüdlü Cəfərov Elvin Çingiz aldığı xəsarətlərdən ölüb.

Onun meyiti hüquq-mühafizə orqanlarının əməkdaşları və kənd sakinlərinin köməyi ilə dağlıq ərazidən düşürülərək aidiyyəti üzrə təhvil verilib.

Faktla bağlı araşdırma aparılır.