Nəsimi rayonunda evdən pul və qızıl oğurlayan şəxs tutulub

Bakı. 20 aprel. REPORT.AZ/ Bakıda evdən pul və qızıl oğurlayan şəxs tutulub. 

"Report" Daxili İşlər Nazirliyinin rəsmi saytına istinadən xəbər verir ki, Nəsimi Rayon Polis İdarəsinin 20-ci Polis Bölməsinin əməkdaşlarının keçirdikləri əməliyyat-axtarış tədbirləri nəticəsində aprelin 15-də rayon ərazisindəki evlərin birindən 1800 manat və 3000 manat dəyərində qızıl əşyalar oğurlamaqda şübhəli bilinən Şabran rayon sakini, əvvəllər məhkum olunmuş Etibar Kərimov saxlanılıb.

Faktla bağlı araşdırma aparılır.