Nərimanovda piyadanı avtomobil vurdu

Bakıda piyadanın vurulması ilə nəticələnən yol-nəqliyyat hadisəsi baş verib.

“Report” xəbər verir ki, hadisə Nərimanov rayonunda qeydə alınıb.

Belə ki, 1969-cu il təvəllüdlü Hüseynov Vəfadar Ziyəddin oğlu yolu keçmək istəyərkən onu avtomobil vurub.

Yaralı təcili tibbi yardım briqadasının köməkliyi ilə xəstəxanaya çatdırılıb. Ona sağ pəncənin əzilməsi diaqnozu qoyulub.

Faktla bağlı araşdırma aparılır.