Yuxarı

Neftçalada yük maşını qəzaya uğrayıb, 1 nəfər xəsarət alıb - VİDEO

​Neftçalada yük maşını aşıb, 1 nəfər xəsarət alıb

Neftçala rayonunda 1 nəfərin xəsarət alması ilə nəticələnən yol-nəqliyyat hadisəsi baş verib.

“Report”un Aran bürosu xəbər verir ki, hadisə bu gün səhər saatlarında rayonun Pirəppə kəndi ərazisində qeydə alınıb.

Belə ki, hərəkətdə olan “Shacman” markalı yük maşınının ön təkərləri sıradan çıxıb və nəticədə maşının ön hissəsi yerə çırpılıb. Zərbə nəticəsində yük maşınında olan Cəlilabad rayon sakini, 1981-ci il təvəllüdlü Həsənov Saləddin Tarif oğlu müxtəlif dərəcəli bədən xəsarətləri alıb. Sərnişin Neftçala Rayon Mərkəzi Xəstəxanasına çatdırılıb.

Faktla bağlı araşdırma aparılır.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Son xəbərlər



Orphus sistemi