Moskvadan İrəvana uçan təyyarədə nasazlıq yaranıb, təyyarə geri qayıdıb

Moskva - İrəvan marşrutu ilə hərəkət edən sərnişin təyyarəsi əyləc sisteminin sensorunun nasazlığı səbəbindən Jukovski beynəlxalq hava limanına qayıtmağa məcbur olub.

“Report” xəbər verir ki, bu barədə “TASS” fövqəladə hallar xidmətindəki mənbəyə istinadən məlumat yayıb.

“Moskva-İrəvan reysini həyata keçirən təyyarə əyləc sisteminin sensorunun nasazlığı səbəbindən Jukovski hava limanına qayıdıb”, - mənbə bildirib.

Qeyd olunub ki, təyyarə normal eniş edib.