Mingəçevirin səhiyyə işçiləri Novruz bayramı münasibətilə Uşaq Nevroloji Sanatoriyasını ziyarət edib

Mingəçevir. 21 mart. REPORT.AZ/ Mingəçevirin səhiyyə işçiləri şəhərdə fəaliyyət göstərən Uşaq Nevroloji Sanatoriyasının xəstələrini Novruz sovqatları ilə sevindirib.

"Report"un Şirvan bürosu xəbər verir ki, sanatoriyanın azyaşlı xəstələri üçün bayram plovu dəmlənib, Novruz təamlarından ibarət süfrə açılıb. 

Novruz bayramı münasibəti ilə sanatoriyada müalicə olunan uşaqları təbrik edən Mingəçevir Səhiyyə İşçiləri Həmkarlar İttifaqı Şurasının sədri Alllahverdi Alıyev ən xoş arzularını çatdırıb.

Qeyd edək ki, ziyarət zamanı səhiyyə işçiləri hər bir uşağa həm də xüsusi bayram sovqatları təqdim edib. Tədbir musiqili bayram şənliyi ilə davam etdirilib.