Mingəçevirdə üç avtomobil toqquşub, onlardan biri ət dükanına girib - FOTO

Mingəçevir. 25 yanvar. REPORT.AZ/ Mingəçevir şəhərində zəncirvari avtomobil qəzası baş verib.

”Report”un Şirvan bürosunun məlumatına görə, hadisə şəhərin 20 Yanvar küçəsində qeydə alınıb.

Belə ki, “İnfiniti”, “VAZ-21010” və “Mitsubishi” markalı avtomobillər toqquşub. Nəticədə “İnfiniti” markalı avtomobil yol kənarındakı ət dükanına girib. Qəzada ölən və yaralanan olmayıb. Ancaq avtomobillərə və dükana ciddi ziyan dəyib.

Faktla bağlı araşdırma aparılır.