Lökbatanda maşın piyadanı vuraraq ağır xəsarət yetirib

Bakı. 9 may. REPORT.AZ/ Bakının Lökbatan qəsəbəsində piyadanın vurulması ilə nəticələnən yol-nəqliyyat hadisəsi baş verib.

“Report” xəbər verir ki, 1973-cü il təvəllüdlü Nidayi Hüseyn Qüdrət oğlu yolu keçərkən onu kiçikhəcmli yük avtomobili vurub.

Yaralı xəstəxanaya yerləşdirilib. Həkimlər onun vəziyyətini ağır kimi qiymətləndirir.

Faktla bağlı Qaradağ RPİ-də araşdırma başlanılıb. Sürücü məsuliyyətə cəlb olunub.