​Lənkəranda ölümlə nəticələnən yol qəzası baş verib - FOTO - ƏLAVƏ OLUNUB

Bakı. 4 yanvar. REPORT.AZ/ Lənkəran-Boradigah şossesinin Zövlə kəndi ərazisindən keçən hissəsində ölümlə nəticələnən yol-nəqliyyat hadisəsi baş verib. “Report”un xəbərinə görə, “VAZ 21015” markalı “44 BK 905” dövlət nömrə nişanlı minik avtomobili ilə motosiklet toqquşub. Motosikletin sürücüsü, Zövlə kənd sakini, 61 yaşlı Ayaz Salayev hadisə yerində dünyasını dəyişib.

Onun sərnişini, Boladi kənd sakini 43 yaşlı Həmzə İsbərov isə müxtəlif dərəcəli bədən xəsarətləri alıb. O, Lənkəran rayon Mərkəzi Xəstəxanasına yerləşdirilib.

Hadisəni törədən Masallı rayonunun Mahmudabar kənd sakini, 28 yaşlı Dostəliyev Amid Dünyamalı oğlu polis tərəfindən saxlanılıb.

Faktla bağlı araşdırmalar davam etdirilir.