Yuxarı
    Bağlamaq

    Lənkəranda avtomobillərdən ehtiyat hissələri oğurlayan dəstə üzvləri tutulub - FOTO

    Faktla bağlı araşdırma aparılır

    Lənkəran. 2 avqust. REPORT.AZ/ Lənkəran şəhərində avtomobillərin ehtiyat hissələrini oğurlayan dəstə üzvləri saxlanılıb. 

    "Report"un Cənub bürosu xəbər verir ki, Lənkəran Şəhər Rayon Polis Şöbəsinə (ŞRPŞ) rayon ərazisində yük maşınlarından akkumlyatorun naməlum şəxslər tərəfindən oğurlanması barədə məlumatlar daxil olub. 

    Həyata keçirilən əməliyyat-axtarış tədbirləri nəticəsində yük maşınlarından oğurluq etməkdə şübhəli bilinən Bakı şəhər sakini, 1993-cü il təvəllüdlü Məqsəd Seyidmurad oğlu Beyçayev və Lənkəran rayonunun Yuxarı Nüvədi kənd sakini, 1994-cü il təvəllüdlü Elmin Sulduz oğlu Mustafayev saxlanılaraq istintaqa təhvil verilib. 

    Araşdırmalar zamanı müəyyən edilib ki, saxlanılan şəxslərin qanunsuz əməlləri nəticəsində ayrı-ayrı vaxtlarda ümumilikdə müəssisələrə və ayrı-ayrı fiziki şəxslərə 4000 manat məbləğində maddi ziyan vurulub. M.Beyçayev və E.Mustafayev barəsində Lənkəran Rayon Məhkəməsinin qərarı ilə üç ay müddətinə həbs qətiimkan tədbiri seçilib.

    Faktla bağlı Lənkəran ŞRPŞ-də cinayət işi açılıb, araşdırma aparılır.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi