Lənkəranda 58 yaşlı qadın intihar edib - FOTO

Lənkəran. 10 fevral. REPORT.AZ/ Lənkəran rayonunda 58 yaşlı qadın intihar edib. 

"Report"un Cənub bürosunun verdiyi məlumata görə, hadisə rayonun Parakənd kəndinde qeydə alınıb.

Belə ki, Mələk Qəmbər qızı Cəfərovanın meyiti ailə üzvləri tərəfindən həyətlərindəki yardımçı tikilidə tavandan asılmış vəziyyətdə aşkar edilib. 

Mərhumun meyiti müayinə olunmaq üçün Səhiyyə Nazirliyinin Məhkəmə Tibbi Ekspertiza və Pataloji Anatomiya Birliyinin Lənkəran şöbəsinə təhvil verilib. 

Faktla bağlı Lənkəran Rayon Prokurorluğunda araşdırma aparılır.