Kürdəmirdə 9 yaşlı məktəblini avtomobil vurub - FOTO - VİDEO - YENİLƏNİB

Kürdəmir rayonunda avtomobilin vurduğu məktəblinin kimliyi məlum olub. 

"Report"un Mərkəzi Aran bürosunun məlumatına görə, bu, 2010-cu il təvəllüdlü rayonun Cənub Məhəllə sakini Aynur İqbal qızı Məliklidir.

*** 13:44

Kürdəmir rayonunda piyadanın xəsarət alması ilə nəticələnən yol qəzası baş verib. 

"Report"un Mərkəzi Aran bürosunun məlumatına görə, hadisə rayonun Bakı prospektində qeydə alınıb. 

Belə ki, "VAZ-2106" markalı avtomobil yolu qarşı tərəfə keçmək istəyən məktəblini vurub. Yaralı Kürdəmir Rayon Mərkəzi Xəstəxanasına çatdırılıb. Hazırda onun kimliyi dəqiqləşdirilir. 

Faktla bağlı araşdırma aparılır.