FHN: Kranın aşması nəticəsində binanın bir neçə mərtəbəsinə ziyan dəyib

“Bakıda Mövsüm Sənani küçəsi ilə Azadlıq prospektinin kəşisməsində olan doqquzmərtəbəli binanın qarşısında olan qaldırıcı yük kranının aşması nəticəsində binanın bir neçə mərtəbəsinə ziyan dəyib”.

“Report” xəbər verir ki, bunu hadisə yerində olan Fövqəladə Hallar Nazirliyinin əməkdaşı, baş leytenant Fuad Əhmədov deyib.

O bildirib ki, faktla əlaqədar araşdırma aparılır, ictimaiyyətə əlavə məlumat veriləcək.

Qeyd edək ki, hadisə nəticəsində kranın sürücüsü vəfat edib, daha bir nəfər isə yaralanıb.