Keçmiş MTN-in sabiq şöbə rəisinin səhhəti pisləşib

Keçmiş MTN-in sabiq şöbə rəisinin səhhəti pisləşib Məhkəmənin növbəti iclası iyulun 7-nə təyin edilib
Hadisə
911
23 İyun , 2017 13:53
Keçmiş MTN-in sabiq şöbə rəisinin səhhəti pisləşib

Bakı. 23 iyun. REPORT.AZ/ Bu gün Bakı Hərbi Məhkəməsində ləğv edilmiş Milli Təhlükəsizlik Nazirliyinin (MTN) İstintaq Baş İdarəsinin İbtidai istintaq idarəsinin 2-ci şöbəsinin sabiq rəisi Vüsal Ələkbərovun cinayət işi üzrə məhkəmə iclası təxirə salınıb.

"Report"un xəbərinə görə, Siyavuş Hacıyevin sədrliyi ilə keçirilməsi nəzrədə tutulan prosesin təxirə salınmasına V.Ələkbərovun səhhətinin pisləşməsi olub.

Məhkəmənin növbəti iclası iyulun 7-nə təyin edilib.

Xatırladaq ki, dövlət ittihamçısı çıxışıda V.Ələkbərovun 15 il müddətinə azadlıqdan məhrum edilməsini istəyib. Prokuror həmçinin V.Ələkbərovun hərbi rütbədən məhrum edilməsi barədə qərar qəbul olunmasını tələb edib.

Qeyd edək ki, V.Ələkbərov Cinayət Məcəlləsinin 182.3.1, 182.3.2-ci (mütəşəkkil dəstə tərəfindən, külli miqdarda əmlak əldə etmək məqsədi ilə hədə-qorxu gəlmə), 294.3-cü (sübutları saxtalaşdırma, ağır və ya xüsusilə ağır cinayətlər haqqında cinayət işi üzrə sübutları saxtalaşdırma, habelə digər işlər üzrə sübutların saxtalaşdırılması ağır nəticələrə səbəb olma), 311.3.1, 311.3.2, 311.3.3, 311.3.4-cü (qabaqcadan əlbir olan bir qrup şəxs və ya mütəşəkkil dəstə tərəfindən, təkrar, külli miqdarda, hədə-qorxu tətbiq olunmaqla rüşvət alma), 341.2.1 və 341.2.3-cü (bir qrup şəxs tərəfindən, ağır nəticələrə səbəb olmaqla hakimiyyətdən sui-istifadə etmə, hakimiyyət həddini aşma və ya hakimiyyətdən istifadə etməmə) maddələri ilə ittiham edilir.

Həbsdə olan V.Ələkbərova məxsus olan və həyat yoldaşı Şəhla Ələkbərovanın adına rəsmiləşdirilmiş Səbail rayonu, Badamdar qəsəbəsi, 3-cü yaşayış massivində 0,18 ha torpaq sahəsi və fərdi yaşayış evi, Yasamal rayonu, Şərifzadə küçəsi, ev 164, mənzil 42 ünvanında yerləşən mənzilinə üzərinə həbs qoyulub. Üzərinə həbs qoyulan əmlakların ümumi dəyəri isə 1 milyon 277 min manat hesablanıb.

Son xəbərlər

Orphus sistemi