Yuxarı
    Bağlamaq

    İmişlidə piyada yük maşınından tökülən çuğundurun altında qalıb

    Kamaz piyadanı vurmamaq üçün yolunu dəyişib və aşıb

    İmişli. 13 iyun. REPORT.AZ/ İmişlidə piyadanın xəsarət alması ilə nəticələnən yol qəzası baş verir.

    “Report”un Aran bürosu xəbər verir ki, hadisə axşam saatlarında İmişli şəhərində Şəkər zavodunun yaxınlığında qeydə alınıb.

    Rayonun Məzrəli kənd sakini, 22 yaşlı Vasif İxtiyar oğlu Əmrahov piyada gedərkən avtomobil yoluna çıxıb. Bu zaman çuğundurla dolu “Kamaz” markalı yük maşını piyadanı vurmamaq üçün yolunu anidən dəyişib. Nəticədə maşın yol kənarına aşıb və çuğundurlar piyadanın üzərinə tökülməklə ona xəsarət yetirib. Xəsarət alan piyada İmişli Rayon Mərkəzi Xəstəxanasına çatdırılıb.

    Faktla bağlı araşdırma aparılır. 

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi