“İmişli” şəkər zavodunun maşını dərəyə aşıb, bir nəfər yaralanıb

Daşkəsən. 27 iyul. REPORT.AZ/ Daşkəsən rayonunda “Shacman” markalı yük maşını dərəyə aşıb.

“Report”un Qərb bürosunun məlumatına görə, hadisə Gəncə-Daşkəsən yolunun 5-ci kilometrliyində qeydə alınıb.

Daşkəsəndən İmişliyə əhəng daşı aparan “İmişli” şəkər zavoduna məxsus maşın yoldan çıxaraq dərəyə aşıb.

Hadisə nəticəsində sürücü müxtəlif bədən xəsarətləri alaraq xəstəxanaya yerləşdirilib.

Faktla bağlı araşdırma aparılır.