Yuxarı
    Bağlamaq

    İki nəfərin ölümünə səbəb olan sürücü məhkəmə zalında həbs edilib

    O, 7 il 6 ay müddətinə azadlıqdan məhrum olunub

    Bakı. 20 aprel. REPORT.AZ/ Bu gün Bakı Ağır Cinayətlər Məhkəməsində iki nəfərin ölümünə səbəb olan ağır yol-nəqliyyat hadisəsi törətməkdə təqsirləndirilən Vahid Quliyevin cinayət işi üzrə məhkəməsi başa çatıb.

    "Report"un məlumatına görə, hakim Əlisultan Osmanovun sədrliyi keçirilən prosesdə hökm oxunub.

    Məhkəmənin hökmü ilə V.Quliyev 7 il 6 ay müddətinə azadlıqdan məhrum edilib. O, məhkəmə zalında həbs edilib.

    Qeyd edək ki, hadisə ötən il Quba rayon ərazisində baş verib. Rayon sakini V.Quliyevin idarə etdiyi "Hovo" və Tərtər rayon sakini Fariz Həsənovun idarə etdiyi "Ford" markalı avtomobillər toqquşub. F.Həsənov və sərnişini, Neftçala rayon sakini Nəsib Məmmədov hadisə yerində ölüblər. Polis əməkdaşları tərəfindən saxlanılan V.Quliyevin barəsində istintaq dövründə həbs qətimkan tədbiri seçilməmişdi.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi