Hökməli qəsəbəsində vətəndaşa məxsus sexdə yanğın olub

Bakı. 10 iyul. REPORT.AZ/ Bu gün günorta saatlarında Abşeron rayonu, Hökməli qəsəbəsində vətəndaşa məxsus sexin ərazisində ümumi sahəsi 24 kv.m olan dəmir köşkün taxta üzlüyü yanıb. Bu barədə "Report" Fövqaladə Hallar nazirliyinin rəsmi saytına istinadən xəbər verir.

Hadisə yerinə gələn yanğınsöndürənlər yaxınlıqdakı sexi yanğından mühafizə edib.

Yanğın saat 14:49-da yanğınsöndürənlər tərəfindən söndürülüb.