Hər gün 10 mindən artıq notariat hərəkətləri aparılır

“2006-cı ildən elektron notariat sistemi yaradılıb və aparılan bütün əməliyyatlar elektron bazaya yerləşdirilir”.

“Report” xəbər verir ki, bunu Ədliyyə Nazirliyinin onlayn müzakirəsi zamanı Notariat və Qeydiyyat İdarəsinin baş məsləhətçisi Zaur Həsənov deyib.

Onun sözlərinə görə, gün ərzində Azərbaycanda 10 mindən artıq notariat hərəkətləri yerinə yetirilir: "Vahid məlumat bazasının olması həm notariuslar arasında, həm də digər qurumlarla səmərəli məlumat mübadiləsinə, vətəndaşların daha çevik şəkildə sənədləri əldə etməsinə səbəb olur. Həmçinin saxta sənədlərin ortaya çıxmasının qarşısı alınır”.