Hacıqabulda yol qəzası olub, 1 nəfər ölüb 2 nəfər yaralanıb

Hacıqabul. 4 may. REPORT.AZ/ Hacıqabul rayonunda yol qəzası olub, 1 nəfər ölüb, 2 nəfər yaralanıb.

"Report" Daxili İşlər Nazirliyinin mətbuat xidmətinə istinadən xəbər verir ki, hadisə mayın 3-də saat 13 radələrində rayonun Şorbaçı kəndində baş verib.

Belə ki, Quba rayon sakini Zakir Babayev idarə etdiyi “Sadko” markalı avtomobili aşırıb. Nəticədə sürücü hadisə yerində ölüb, 2 sərnişini xəstəxanaya yerləşdirilib.

Faktla bağlı Hacıqabul Rayon Polis Şöbəsi tərəfindən araşdırma aparılır.