Hacıbala Abutalıbov yanan binanın sakinlərini qəbul edəcək

Bakı. 22 may. REPORT.AZ/ Bu gün günorta saat 14.00-da Bakı şəhər İcra Hakimiyyətinin binasında icra başçısı Hacıbala Abutalıbov Binəqədi rayonunda yanan binanın sakinlərini qəbul edəcək. "Report" xəbər verir ki, bu barədə binanın sakinlərinə İcra Hakimiyyətinin nümayəndələri məlumat verib.

Nümayəndələr bildirib ki, icra başçısının qəbulunda vətəndaşların müraciətləri və problemləri dinləniləcək. Görüşdə yanğınla bağlı vətəndaşlara verilən kompensasiyaların haradan və necə götürülməsi barədə məlumat veriləcək.