Gürcüstanın azərbaycanlı boksçusu beynəlxalq reytinqdə ikinci yeri tutub

Gürcüstanın boks yığmasının azərbaycanlı üzvü Sahil Allahverdiyev beynəlxalq həvəskar boks reytinqində 49 kq çəki dərəcəsində ikinci yeri tutub.

“Report”un yerli bürosu xəbər verir ki, bu barədə Gürcüstanın Milli Boks Federasiyası məlumat yayıb.

Federasiya S.Allahverdiyevi və gürcüstanlı azərkeşləri yüksək nəticəyə görə təbrik edib.

Qeyd olunub ki, bu nəticə yalnız S.Allahverdiyevin deyil, ümumilikdə bütün Gürcüstan boksunun uğurudur.

Qeyd edək ki, azərbaycanlı boksçu “Minsk 2019” II Avropa Oyunları və 2018-ci ildə İspaniyada keçirilən Avropa Birliyi ölkələrinin boks üzrə çempionatında gümüş medallar qazanıb.