Gürcüstanda daha 179 nəfərdə koronavirus aşkarlanıb

Gürcüstanda son sutka ərzində koronavirusa 179 yeni yoluxma faktı qeydə alınıb, 10 pasiyent sağalıb.

“Report”un yerli bürosu xəbər verir ki, bu barədə Gürcüstan hökumətinin xüsusi rəsmi saytında bildirilib.

Bununla da qonşu ölkədə indiyədək COVID-19 diaqnozu qoyulanların sayı 2 937-yə, sağalanların sayı isə 1 422-yə çatıb. Xəstəlikdən vəfat edənlərin sayı 19 təşkil edir.

Gürcüstan üzrə karantin zonalarında 6 633, stasionar nəzarətdə isə 836 nəfər saxlanılır.