Gürcüstan prezidenti parlamentdə illik hesabat verəcək

Gürcüstan prezidenti Salome Zurabişvili ölkə parlamentinin yaz sessiyasında illik heabatla çıxış edəcək.

“Report”un yerli bürosu xəbər verir ki, dövlət başçısının hesabatı ölkədəki vəziyyət və ən vacib məsələləri əhatə edəcək.

Prezidentin qanunverici orqanda çıxış edəcəyi dəqiq tarix hələ razılaşdırılmayıb. 

Reqlamentə əsasən, S.Zurabişvilinin parlamentdə çıxışı yaz sessiyasının ilk günlərinə təyin olunur.

Xatırladaq ki, Gürcüstan parlamentinin yaz sessiyası sabah başlayacaq. İlk plenar iclas qanun layihələrinin müzakirəsinə həsr olunacaq.