Göyçayda tövlə yanıb - VİDEO

Göyçayda vətəndaşa məxsus tövlə yanıb. “Report”un Yuxarı Şirvan bürosu xəbər verir ki, hadisə rayonun Çərəcə kəndində qeydə alınıb.

Hadisə yerinə Fövqəladə Hallar Nazirliyinin Göyçay rayon Dövlət Yanğından Mühafizə Hissəsinin texnikası və canlı qüvvəsi cəlb olunub. Ümumi sahəsi 60 m² olan tövlənin yanar konstruksiyaları və çardağına yığılan 15 ton ot bağlamasının 10 tonu yanıb. 

Yanğından ot bağlamalarının qalan hissəsi və yaxınlıqdakı tikililər mühafizə olunub. Faktla bağlı araşdırma aparılır.