Yuxarı

Goranboyda yol qəzası baş verib, ana və üç övladı xəsarət alıb - ƏLAVƏ OLUNUB

Onlar xəstəxanaya yerləşdiriliblər

Bakı. 15 iyun. REPORT.AZ/ Bakı-Qazax magistralında baş verən qəza nəticəsində ana və üç övladı xəsarət alıb. 

"Report"un Qərb bürosu xəbər verir ki, hadisə yolun Goranboy rayon ərazisindən keçən hissəsində qeydə alınıb.

Qəza nəticəsində "VAZ-2106" markalı avtomobilin sürücüsü Xəqani Məmmədov yüngül xəsarət alıb. Onun həyat yoldaşı, 1962-ci il təvəllüdlü Nəvriyyə Məmmədova kəllə-beyin travması, övladları - 2007-ci il təvəllüdlü Rauf Məmmədli, 2008-ci ildə anadan olmuş Nazim Məmmədli və 40 günlük körpə Rəsul Məmmədli müxtəlif dərəcəli bədən xəsarətləri alıblar.

Onlar Gəncə şəhər Təcili Tibbi Yardım Xəstəxanasına yerləşdiriliblər.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Son xəbərlər



Orphus sistemi