Goranboyda həyat yoldaşını bıçaqlayan kişi saxlanılıb - YENİLƏNİB

Goranboy rayonunda həyat yoldaşını bıçaqlayan kişi polis tərəfindən saxlanılıb.

Daxili İşlər Nazirliyinin mətbuat xidmətinin Gəncə regional qrupundan "Report"un Qərb Mərkəzinə verilən məlumata görə, bu, 37 yaşlı Tağıyev Elşən Eldar oğludur.

Faktla bağlı araşdırma aparılır.

***23:12

Goranboy rayonunda bıçaqlanma hadisəsi baş verib.

"Report"un Qərb Mərkəzinin məlumatına görə, rayonun 1978-ci il təvəllüdlü Dəliməmmədli şəhər sakini K.Tağıyeva ailə münaqişəsi zəminində əri tərəfindən bıçaqlanıb.

Döş qəfəsindən bir neçə bıçaq yarası alan qadın Gəncə şəhərindəki xəstəxanaların birinə yerləşdirilib. O, cərrahiyyə əməliyyatı olunub və vəziyyəti sabitdir.

Faktla bağlı araşdırma aparılır.