Goranboyda gənc oğlan söyüşə görə əmisi oğlunu bıçaqlayıb - YENİLƏNİB-2

Goranboy rayonunda qohumunu bıçaqlayanın şəxsiyyəti məlum olub.

"Report"un Qərb Mərkəzinin məlumatına görə, hadisəni törətməkdə şübhəli bilinən şəxs, 1995-ci il təvəllüdlü Qafar Hüseynzadə Koroğlu oğludur. Mübahisənin söyüş üstə yarandığı bildirilir.

Qeyd edək ki, Goranboy rayon, Meşəli kənd sakini, 1990-cı il təvəllüdlü Sənan İsmayilov 2 bıçaq yarası ilə Goranboy Rayon Mərkəzi Xstəxanasına aparılıb. Onun vəziyyətinin orta-ağır olaraq qaldığı bildirilir.

Faktla bağlı Xocalı Rayon Polis Şöbəsində araşdırma aparılır.

*** 10 yanvar, 22:06

Goranboy rayonunda 30 yaşlı kişinin əmisi oğlu tərəfindən bıçaqlandığı məlum olub.

"Report"un Qərb Mərkəzinin məlumatına görə, Meşəli kənd sakini, 1990-cı il təvəllüdlü Sənan Əli oğlu İsmayılov əmisi oğlu tərəfindən bıçaqlanıb. 

Hadisəni törədən şəxsin Xocalı Rayon Polis Şöbəsinin əməkdaşları tərəfindən saxlanıldığı bildirilir.

Qeyd edək ki, 2 bıçaq xəsarəti alan S.İsmayılovun müalicəsi Goranboy rayon Mərkəzi Xəstəxanasında davam etdirilir.

Faktla bağlı araşdırma aparılır.

***20:42

Goranboy rayonunda bıçaqlanma hadisəsi olub.

"Report"un Qərb Mərkəzinin məlumatına görə, hadisə Meşəli kəndində baş verib.

Belə ki, rayon sakini, 1990-cı il təvəllüdlü Sənan Əli oğlu İsmayılov bıçaq xəsarəti ilə Goranboy Rayon Mərkəzi Xəstəxanasının Reanimasiya şöbəsinə yerləşdirilib. Onun qardaşı tərəfindən bıçaqlandığı ehtimal edilir.

Faktla bağlı araşdırma aparılır.