Goranboyda 15 yaşlı yeniyetmə dəm qazından zəhərlənib

Goranboy şəhərində dəm qazından zəhərlənmə hadisəsi olub.

"Report"un Qərb bürosunun məlumatına görə, hadisə şəhərin Molla Pənah Vaqif küçəsində yerləşən evlərdən birində qeydə alınıb. Rayon sakini, 15 yaşlı Elxan Orucov vanna otağında dəm qazından zəhərlənib.

O, Goranboy Rayon Mərkəzi Xəstəxanasına aparılıb. Yeniyetmənin vəziyyəti normaldır.

Faktla bağlı araşdırma aparılır.