Gəncədə zəlzələ olub

Bakı. 25 mart. REPORT.AZ/ Bu gün Gəncədə zəlzələ olub. Bu barədə "Report"a Azərbaycan Milli Elmlər Akademiyası nəzdində Respublika Seysmoloji Xidmət Mərkəzindən məlumat verilib.

İlkin məlumatlara əsasən, təkanlar yerli vaxtla saat 13:49-da Gəncədən 7 km şimalda Gəncə ərazisində qeydə alınıb. Maqnitudası 3.7, dərinliyi 14 km olan zəlzələ episentrdə 4 bal, yaxın yaşayış məntəqələrində 3 bala kimi hiss olunub.