Gəncədə yerli sakin işə gedərkən naməlum şəxslər tərəfindən döyülüb

Gəncə. 21 sentyabr. REPORT.AZ/ Gəncə şəhər sakini naməlum şəxslər tərəfindən döyülüb.

"Report"un Qərb bürosunun məlumatına görə, şəhər sakini, 1982-ci il təvəllüdlü Mustafayev Rəşad Muraz oğlu işə gedərkən küçədə tanımadığı naməlum şəxslərin hücümüna məruz qalaraq döyülüb. 

O, ağır xəsarət alaraq xəstəxanaya yerləşdirilib. 

Baş verən hadisə ilə bağlı araşdırma aparılır.