Gəncədə universitet kitabxanasındakı yanğın söndürülüb - YENİLƏNİB

Azərbaycan Dövlət Aqrar Universitetinin (ADAU) kitabxanasında baş vermiş yanğın söndürülüb.

"Report"un Qərb bürosunun məlumatına görə, hadisə yerinə Fövqəladə Hallar Nazirliyinin Gəncə Şəhər Dövlət Yanğından Mühafizə İdarəsinin 5 yanğınsöndürən maşını və canlı qüvvəsi cəlb olunub.

Yanğın söndürülüb, başvermə səbəbləri araşdırılır.

12:37

Gəncə şəhərində ali məktəbin kitabxanasında yanğın olub.

"Report"un Qərb bürosunun məlumatına görə, yanğın Azərbaycan Dövlət Aqrar Universitetinin kitabxanasında baş verib.

Hadisə yerinə Fövqəladə Hallar Nazirliyinin Gəncə şəhər Yanğından Mühafizə İdarəsinin yanğınsöndürən maşınları və canlı qüvvəsi cəlb olunub.

Yanğının başvermə səbəbləri hələlik məlum deyil.

Faktla bağlı araşdırmalara başlanılıb.