Gəncədə qadın ailə münaqişəsi zəminində kimyəvi məhlul içib

Gəncə. 7 noyabr. REPORT.AZ/ Axşam saatlarında Gəncədə 30 yaşlı qadın intihara cəhd edib.

"Report"un Qərb bürosunun məlumatına görə, 1986-cı il təvəllüdlü Gəncə şəhər sakini Musazadə Elnada Bayram qızı ailə münaqişəsi zəminində kimyəvi məhlul içərək özünə sui-qəsd edib.

Bundan xəbər tutan yaxınları zərərçəkəni dərhal Gəncə şəhər Təcili Tibbi Yardım Xəstəxanasına aparıblar. Həkimlərin müdaxiləsindən sonra Reanimasiya şöbəsinə yerləşdirilən E.Musazadənin vəziyyəti orta-ağırdır.

Faktla bağlı araşdırma aparılır.