Gəncə sakini bıçaqlanıb

Hadisə

28 fevral, 2017
23:40

Report.az-ı Google seçilmiş mənbələrinə əlavə edin

Yeniliklərdən dərhal xəbərdar olun!

Gəncə. 1 mart. REPORT.AZ/ Gəncədə 31 yaşlı kişi qarın nahiyəsindən bıçaqlanıb.

"Report"un Qərb bürosunun məlumatına görə, hadisə gecə saatlarında Kəpəz rayonunda 38 saylı Hərbi şəhərciyin ərazisində baş verib.

Gəncə şəhər sakini, 1985-ci il təvəllüdlü, İsmayılov Ramil Əmir oğlu qarın nahiyəsindən bir bıçaq zərbəsi alaraq ağır yaralanıb. Yaxınları tərəfindən Gəncə Şəhər Təcili Tibbi Yardım Xəstəxanasına aparılan yaralı dərhal həkimlər tərəfindən əməliyyata alınıb.

Onun vəziyyətinin ağır olduğu bildirilir. Hadisənin kim tərəfindən və hansı şəraitdə törədildiyi hələlik məlum deyil.

Faktla bağlı Kəpəz Rayon Polis İdarəsində araşdırma aparılır.