Gəncə şəhərində 2 piyadanın xəsarət alması ilə nəticələnən yol-nəqliyyat hadisəsi olub.
"Report"un Qərb bürosunun məlumatına görə, hadisə şəhərin Heydər Əliyev Prospektində qeydə alınıb.
Belə ki, yolu qarşı tərəfə keçmək istəyən, 2004-cü il təvəllüdlü G.Osmanova və onun həmyaşıdı R.Məmmədovanı avtomobil vurub.
Onların hər ikisi xəstəxanaya çatdırılıb, vəziyyətləri kafi və qənaətbəxş qiymətləndirilir.
Faktla bağlı araşdırma aparılır.