Gəncədə 18 yaşlı qadın bıçaqlanıb, vəziyyəti ağırdır - YENİLƏNİB

Gəncə şəhərində bıçaqlanma hadisəsi olub.

"Report"un Qərb bürosunun məlumatına görə, 18 yaşlı A.Əmiraslanova mübahisə zəminində çoxlu sayda bıçaq xəsarəti alıb.

Yaralı xəstəxanaya çatdırılıb, vəziyyəti ağır qiymətləndirilir.

Hadisəni törətməkdə onun həyat yoldaşı şübhəli bilinir.

Faktla bağlı araşdırma aparılır.

Gəncədə həyat yoldaşını bıçaqlamaqda şübhəli bilinən şəxs saxlanılıb.

Daxili İşlər Nazirliyinin Mətbuat Xidmətinin Gəncə Regional Qrupundan "Report"un Qərb bürosunun sorğusuna cavab olaraq bildirilib ki, Polis əməkdaşlarının keçirdikləri müvafiq tədbirlər nəticəsində hadisəni törətməkdə şübhəli bilinən M.Əmiraslanov saxlanılaraq istintaqa təhvil verilib.