Gəncə sakininin bank hesabından pul oğurlayan şəxs tutulub

Bakı. 17 mart. REPORT.AZ/ Nizami (Gəncə) Rayon Polis İdarəsinə müraciət edən Gəncə şəhər sakini S.Hüseynalıyeva bank hesabından 791 manat pulunun çıxarılaraq oğurlandığını bildirib.

Daxili İşlər Nazirliyinin Mətbuat xidmətindən "Report"a verilən məlumata görə, polis əməkdaşlarının keçirdikləri əməliyyat-axtarış tədbirləri nəticəsində oğurluğu törətməkdə şübhəli bilinən şəxs müəyyən edilərək saxlanılıb. 

Araşdırmalarla onun şəhər sakini Əfqan Məmmədov olduğu müəyyən edilib.

Faktla bağlı cinayət işi başlanılıb.