Gədəbəydə yol qəzası nəticəsində sürücü ölüb

Gədəbəy. 24 oktyabr. REPORT.AZ/ Gədəbəydə yol qəzası nəticəsində sürücü ölüb.

"Report"un Qərb bürosunun məlumatına görə, 1970-ci il təvəllüdlü rayon sakini Cəfərov Mehdi idarə etdiyi “VAZ-21099” markalı avtomobillə hərəkətdə olarkən maşın idarəetmədən çıxaraq aşıb.

Hadisə zamanı ağır xəsarət alan sürücü xəstəxanaya aparılsa da, onun həyatını xilas etmək mümkün olmayıb.

Faktla bağlı araşdırma aparılır.