Füzulidə iki avtomobil toqquşdu, xəsarət alan var

Füzuli rayonunda xəsarətlə nəticələnən yol-nəqliyyat hadisəsi baş verib.

“Report” xəbər verir ki, rayon ərazisində iki avtomobilin toqquşması nəticəsində 1990-ci il təvəllüdlü Xanəliyev Süleyman Bəyoğlan oğlu bədən xəsarətləri alıb.

Yaralı təcili yardımın köməyi ilə Bakıda yerləşən xəstəxanaların birinə gətirilib və həkim nəzarətinə götürülüb.

Faktla bağlı araşdırma aparılır.